合照有玄机！吴彦祖王力宏孖住闯荷里活

etin

天王王力宏与型男吴彦祖早前惊喜合照，兼齐齐“回春”，获网民激赞“两大男神合体”，并期待2人合作，而昨日即刻有好消息传出，佢哋随时孖住再闯荷里活！事关荷里活导演兼编剧Lisa Joy日前晒出与两位男神嘅合照，仲透露正筹备新作品，并“开金口”指系时候搵齐呢两位型男演出，如果成真，就系2人自2011年合演电影后相隔10年后再次合作。

其实Lisa Joy同两位男神都非常有渊缘，本身佢同王力宏系中学同学，与此同时，佢执导由“狼人”澳洲男星晓积文（Hugh Jackman）主演嘅荷里活新作《回忆潜行》（Reminiscence），亦搵嚟吴彦祖饰演男主角死对头兼有骚肌演出，Lisa更大赞吴彦祖系最性感嘅反派，相信今次“男神合体”都系由佢撮合而成。