获封“隐世好声音” 古佩玲一个原因冇得玩《声梦》

etin

无綫节目《声梦传奇》令歌唱比赛掀起热潮，发掘多位靓声新秀。不过，其实TVB本身就是卧虎藏龙之地，其中2019年香港小姐季军古佩玲（Kelly），虽然选美出身，但却拥有“隐世好声音”。她表示由细到大也觉得自己的声线难听，直至去到加拿大读书，才意外地发现天赋：“自己把声比普通女仔沉，自己都觉得好难听，但有次喺加拿大唱K，竟然有几个朋友赞我把声好特别、好好听，喺鼓励之下就去咗学声乐，一学就6年，发掘到自己把声原来几特别。”

她曾在加拿大参加选秀节目《中国好声音》招募，成功入围被邀请参加比赛，可惜因为学业而放弃：“冇话可唔可惜，后来自己都参加咗港姐，当初学唱歌都冇话想做歌星，只系有兴趣。”选港姐后，她与唱歌之路愈走愈远，靓声一直被埋没：“选美嗰阵有次播自己同朋友录嘅黄小琥《没那么简单》，大家都话好听，但系冇人相信系我唱。”她希望日后会有唱歌机会，有打算参加《声梦传奇》，但因为要求参赛者是素人，因而未能参赛。

同男友Long D靠视像见面

Kelly于选美期间已经“Long D恋”拍拖，感情维持了3年：“Long D系难嘅，试过1年冇见，惟有日日视像见面，同埋大家都要相信对方、多啲交流去维系，出街、食饭都视像，有时大家都讲笑话好似同手机拍拖咁。最冇瘾系嗌交遇到网络窒吓窒吓，都唔知大家闹紧啲乜。”她又承认分隔两地难免出现过“爱是怀疑”，透过沟通、讲出感受去化解。而科技进步亦让大家清楚对方行踪，减少猜疑，她笑说：“我哋当初当系玩装咗追踪App，会用个App去搵大家，好似好冇私瘾，但知佢喺边又会放心啲。”她指希望疫情快点过去，大家可以飞来飞去见面，男友亦有兴趣来港发展。