两个月劲减35磅！余香凝自认紧张妈咪狂睇Cam

etin

刚升呢做索妈两个多月的余香凝（Jennifer），昨日（26日）产后首次复工拍摄扎肚广告，身穿两件头白色套装裙的她难掩其弗爆身材，大露纤腰兼又四肢纤幼，完全不似生完BB，认真得天独厚！而月头踏入28岁的她更获大会送上蛋糕补祝生日，令她非常感动。

Jennifer受访时表示生B入院时是165磅，由坐月开始进行减肥大计，两个多月后搣脂35磅，又冧笑指囡囡Clare是她的专属健身教练：“距离目标仲有10几磅，条腰依家就27吋，差2吋就去番生之前。我个女系‘高需求BB’，唔系食、饱、瞓咁简单，成日好多要求，又要舒服、又要我郁先得，佢可能知我今日拍嘢，佢又锺意出街，寻日同今日都要我孭佢落去行一转，行到我一身汗，同埋依家喂人奶都可以瘦身！”又大赞囡囡有演艺细胞，对镜头敏锐度高，一拍片就眼仔睩睩望镜头，遗传其表演欲。

讲到要离开囡囡外出工作，她坦言都不舍得，工作期间不时都会睇Cam，自认是紧张妈妈：“家佣好锡佢，有时我都要放松吓，妈妈有闹过我要休息，放手畀家佣凑。（老公有帮你手？）佢未去到神队友，但好欣赏佢即使要返工、好早起身，都肯帮手半夜起身凑B，我坐月嗰阵脾气差啲，唔畀佢离开我，但依家夜晚会叫佢去隔离房瞓，等佢瞓得舒服啲。”老公返到屋企锡边个先？Jennifer冧爆话：“都系锡我先！地位冇动摇！佢个电话Wallpaper仲系我哋结婚相，我就系佢哋两个嘅合照。（有奖励你？）带我去食好嘢！”

另外，讲到其妹余洁滢参加ViuTV真人骚选秀节目《全民造星IV》面试，她直言是极度支持：“佢有问我意见，觉得佢跳舞好劲，但观众未必认识佢呢一面。（妹妹有讲MIRROR成员Tiger拍拖？）冇听过佢提起过喎！（你有见过Tiger？）冇见过呀，自己都想认识MIRROR 12个嘅！”