“厨神”谢霆锋遭质疑唔识炒餸 嬲爆举动吓亲人

etin

男神谢霆锋除咗有演技之外，煮嘢食都有番咁上下。呢日佢喺度炒紧餸嘅时候，竟然有人不停质疑佢嘅厨艺，仲系咁嗌佢放盐、快啲炒等，佢一路忍住度怒火继续炒，但系对方冇停过口，话晒有“型男厨神”称号，畀人咁挑剔法又点会忍得住，佢嬲到一个点时喺枱底攞咗支手枪出嚟放喺枱面，跟住反问对方：“你教我做嘢？”对方即时收晒声冇再讲嘢。

其实呢条只不过系霆锋同甄子丹主演新戏《怒火》嘅宣传片，虽然平时见佢都系Chok到爆，畀人好冷傲嘅感觉，但系私底下佢绝对系一位暖男！平时拍亲动作戏，佢第一时间都系关心身边人先，好似拍完一个打斗镜头，佢都会扶番起其他演员，仲细心问对方有冇受伤，除此之外，佢仲会拍一拍对手嘅膊头，感激对方嘅付出之馀，仲会不时竖起手指公为现场嘅工作人员打气，所以同佢合作嘅幕后工作作员都大赞佢好人。