天秤座要平衡！罗天宇出声禁连诗雅着高踭鞋

etin

艺人罗天宇现时正忙于为新剧《旁观者》拍摄，剧中他与王敏奕饰演警察，二人经常一起查案，并肩作战，互补对方不足。“讲到我读大学时喺学校经常被人欺凌，而且患有强迫症，所有嘢都要好整齐，我同敏奕喺工作上好需要大家，系好知己，喺生活上都好需要，我知道佢生活上有乜嘢需要我都会帮佢，好似执屋，家头细务都会帮佢。（剧中你锺意佢？）又唔系，只系大家都好需要大家，佢系唯一一个好了解我嘅人。（咁现实生活你有冇强迫症？）有少少，唔知系咪天秤座，好多嘢我要两边平衡。”

而天宇剧中角色于大学时锺意连诗雅（Shiga），但因被人欺凌故离开学校，中间有一次意外，令二人断绝来往：“长大后见番我已经变咗另一个人一样，今日就讲我第一日重遇番佢，仍然都好挂心佢、爱护佢。我未同Shiga合作过，但之后有一齐合唱首Cover，佢好高，所以我同佢合作，都尽量叫佢唔好着咁高嘅高踭鞋。”