同麦大力相处简单！简淑儿拍拖唔使搞花臣

etin

艺人简淑儿（Jessica）到动漫节出席“myTV Gold·Ani-One 新番动漫5周年庆典”，讲到日前她与男友麦大力度过拍拖的首个生日，又获对方教揸飞机，她一开始怕丑避忌谓：“陈婉衡同我搞咗个生日会，请咗我啲朋友、家姐嚟。（麦大力有冇份去？）好多人都有去。（咁即系有冇？）都有。（已经融入家中？）大家一齐玩。”

讲到男友教她揸飞机，她说：“其实嗰个地方个个都去得。”但讲到对方特地带她去，她即冧笑谓：“都系。（呢份系佢送畀你嘅生日礼物？）都系。（冇其他礼物？）唔使其他礼物，其实我哋相处好简单，由朋友开始一步一步嚟，唔使太多花臣。（你受落呢套？）其实我哋生活习惯好似，唔使刻意做咩去讨好对方，普通相处已经好开心。”讲到两人咁夹，何时结婚？她即笑言：“我哋一齐咗2个月咋。（可以闪婚？）唔会，我哋都系做嘢为先，唔想因为拍拖令大家忽略咗我哋嘅工作，依家搏杀紧，做嘢紧要。”