转打温情牌！高海宁送肉嘴贺生日 饼印阿妈抢晒镜

etin

正所谓“夏天为大地带来美腿”，最近密密喺社交网派福利嘅咪神高海宁（高Ling），就唔只骚腿，上载泳照大晒34D“胸”器，而日前佢转打温情牌晒出同妈咪Sweet爆合照，送上肉嘴祝贺对方60岁大寿！

一向孝顺嘅佢悉心安排生日饭局，仲准备咗个漫画《我们这一家》嘅蛋糕，非常有心思，并留言：“愿你永远是个开心幸福的小女人，像花师奶一样可可爱爱一辈子，被我们捧在手心呵护着。”佢又叫大家唔好吝啬自己嘅爱，要多啲向家人表达爱意：“简单的一个拥抱和一句话，都包含着巨大的力量。”又忆起第一次同外婆讲“我想你”时，话都未讲出口就已开始哽咽咁话！而网民就大赞佢哋两母女好似饼印咁，都系咁省镜，仲话伯母保养得宜，似50岁就差唔多！