公开“整容”前黑历史！邝洁楹丑女大翻身解构变靓之谜

etin

唔少女星都曾被质疑整容，其中无綫小花邝洁楹（Judy）就曾被翻出多年前拍广告时嘅照片，被指与现时嘅仙气靓样截然不同，直指“面目全非”！不过Judy未有介怀，反而大方拍片公开黑历史照片，直认的确有“整容”般嘅分别。片中佢晒出17岁喺美国读紧高中嘅相，见当时嘅佢面胀胀、猪胆鼻，而且身形大咗成个码，第1眼真系认唔出系Judy，不过佢就解释因为有箍牙修饰面形，加上当时比依家重足足30磅，所以先有咁大分别：“当你瘦30磅嘅时候真系可以达到整容级嘅效果！”

之后，佢再晒出多张读书时期嘅照片，见佢为迎合外国朋友而特意晒黑，加上打扮、妆容成熟，反而较现时更显老气。佢又分享独门“整容”秘技，指全靠一招变靓：“我个鼻其实我系Keep住不停咁捏，当你由10几岁开始日日捏自己个鼻，去到20几岁真系会见到个变化。”