有机会亮相ViuTV！戴祖仪想考律师牌做Law霸

etin

艺人戴祖仪（Joey）及好友曾乐彤一同到西九文化区出席奥运活动，两姊妹难得一起出活动，Joey笑言第一句就问身穿长袖冷衫的对方“冻唔冻”。问到两姊妹可是很少出活动？ Joey表示：“我哋2018年同年新人都一齐出活动，之后就私下先会约会。”曾乐彤就表示：“我哋对上一次工作系佢请我上去《#后生仔倾吓偈》。”Joey又踢爆与对方去街就会被对方怂恿买嘢：“佢简直令我促进香港经济，佢次次都会叫我买好多嘢，例如嘢食、衫裤鞋袜，佢永远都好有理据。”但曾乐彤就笑言不会买：“我买家品多，衫间中都买，同埋锺意买啲杯碟，之前嗰个蒸蛋器都好好用。””

讲到同场有《声梦传奇》的参赛者，问到见到他们可觉得自己“老”？曾乐彤笑言觉得自己大个女， Joey笑言：“本身仲以为自己新新哋，要受前辈提携。（咁你哋依家咪sell唔到青春？ ）我用内心嘅青春嚟sell，身体就sell唔到，同埋听佢哋嘅话题都系围绕读书。”她亦透露有意考番个事务律师牌：“因为读法律，但冇考律师牌始终有个心结，所以希望有朝一日可以考番，对屋企人都有个交代，不过就唔会今年嘅事，因为都要用年几时间读番书先可以考牌。”

另外，讲到Joey与环球歌手涂毓麟推出跨公司合唱歌《我们再不讲再见》，有指他们会上ViuTV音乐节目《Chill Club》宣传新歌，令她有机会成为首位亮相ViuTV的TVB艺人，她就表示：“我都有问人，但仲未有消息。（公司畀唔畀㗎？）之前我听过何生（何丽全）讲佢都好open-minded，有机会都好欢迎。”