朱千雪扮鬼脸肚凸凸渗孕味 网民：系咪有咗？

etin

“民选港姐”朱千雪婚后淡出幕前，全身投入大律师工作，不过佢仍不时喺社交网晒日常生活照，同网友报告近况，佢昨日就大晒一张单眼伸脷扮鬼脸嘅照片，留言：“My Mom thinks I am too old to be making funny faces... but I am a funny girl（我妈妈认为我太老了，过咗扮鬼脸嘅年纪……但我觉得我仲系一个有趣嘅女孩）”

由于佢早前被传怀孕，网民亦将个重点放咗喺佢微微隆起嘅腹部，加上佢亦唔觉意将手放咗喺个肚度，不禁渗出阵阵孕味！网友留言除咗赞佢有童心，仲纷纷问佢系咪有咗，仲话“今次唔系just fat喇啩？”不过佢嘅好姊妹蒋家旻就帮拖解画，留言：“其实我净系focus系你个funny face，点解你成日畀人问系咪大肚？下次影相前拍扁条裙。”间接指朱千雪唔系佗B呀！