生完收身未成功！素颜汤怡松身衫遮肚

etin

艺人汤怡今年6月为老公麦秋成诞下爱女QQ，一家三口相当幸福。今个月18日QQ满月，而汤怡都已经坐完月，当日佢就13张连环图纪录怀孕经过，最后一张相就见汤怡仍未收晒身，虽然冇肚腩，不过仲见到有少少肚凸凸！昨日（22日）汤怡再度上载新相，素颜嘅佢面尖尖，一啲水肿都冇，手臂仍然纤幼，不过佢就穿上松身衫遮肚，似乎仍需努力收身，佢留言话：“今日终于有太阳喇，人都精神啲，心情都好啲。”而佢喺限时动态上载一张全身相，有个箭嘴指住肚仔，讲笑话QQ喺入面，唔通汤怡太挂住囡囡喺肚入面嘅感觉？