孙耀威持枪指吓店员抢金条？网民斥教坏细路

etin

歌手孙耀威（Eric）有指开直播斋唱歌两粒钟就稳袋过百万，加埋商演拍剧真系赚到笑！但系喺网上流传几张闭路电视所影嘅截图，见一男子疑持有手枪类物体指吓金铺店员，最后抢去大量金条，而呢个男子仲标明系孙耀威！

查番佢嘅社交网，原来啲截图系出自一条宣传直播片段，讲佢冲入金铺揸住“风筒”问店员边度有插头，等佢可以吹番个靓发型，跟住话肚仔饿，叫店员畀啲“金条”朱古力佢食医肚，仲话食饱之后就有力气开直播。好多粉丝留言赞佢好有创意兼搞笑，不过亦有网民指呢种宣传手法似乎过火咗，有教坏小朋友之嫌。