【旧爱洪永城结婚了】唐诗咏终于蒲头：享受片刻宁静

etin

艺人洪永城（Tony）今个月11日结婚，更宣布双喜临门即将做爸爸，短短几年间成家立室，令人不禁想起其前度唐诗咏！2017年同Tony分手嘅诗咏，曾经传过挞着“教育界王力宏”陈思铭（Samuel），发展姊弟恋，不过两人都冇承认恋情，贵为视后嘅诗咏事业上一帆风顺，但爱情就未有着落，如今连Tony都结埋婚，对上一次7月6日喺社交网上载照片嘅佢终于上水，晒出叹啡独照，并用英文留言：“Enjoy a moment of peace and escape from daily chaos （享受片刻宁静，逃离日常的混乱）”仲见佢笑晒口咁，睇嚟无受“新娘不是我”影响心情！

佢仲透露喺暴雨中跑步，唔知系咪趁机“洗涤心灵”呢？虽然佢前晚只系瞓咗5个钟，但昨日又做Gym好好装备自己，果然系视后！网民都纷纷为佢打气，期待佢早日搵到Mr.Right呀！