【世界级生日礼物】简淑儿获麦大力教揸飞机 冧到震

etin

有“宅男女神”之称嘅简淑儿（Jessica）前日（18日）32岁生日，同《冲上云霄大选》冠军兼前机师麦大力打得火热嘅佢，获送上钱都未必买到嘅生日礼物，就系学揸飞机喇！麦大力喺社交网上载于模拟机舱教女友揸飞机片段，佢细心从旁指导，又用温柔嘅声线讲嘢！着上短裙晒腿嘅Jessica就好乖咁“上堂”，真系睇到人劲冧猪，个个都留言嗌Sweet，呢份礼物真系世界级呀，今次仲唔系“恋爱30,000呎”？！而寿星女都有上载庆生相，不过只得独照，佢获送上唔同蛋糕包括有好姊妹陈婉衡送嘅，而Jessica都有Tag埋男友，低调地晒爱！