18岁受伤大拗柴 许家杰差啲做职业篮球员

etin

“大小姐”林淑敏及“送水辉”许家杰昨日（19日）出席《爱．回家之开心速递》之“开心迎奥运”活动，前者表示特别留意东奥的剑击及柔道等香港队出战项目：“港队剑击系以第4名入围，好有机会争牌！（会约埋其他演员一齐睇？）约呀！收工嗰阵留喺化妆间睇，哈哈！今年睇奥运唔使挨眼瞓，同埋今年系香港运动员最成熟嘅一年，攞牌事小，但感受到佢哋份刻苦精神。”

至于许家杰就话会睇篮球赛事，兼透露年轻时曾想过做职业篮球员，惟18岁那年受伤大拗柴后便打消念头：“身边有好多朋友都系港队篮球员、教练，所以一定会支持篮球。”再谓早前孖前港队首席单车选手洪松荫踩单车，结果惨被对方抛离：“抱住学习心情参与，但一踩就连车尾灯都见唔到，佢仲喺上斜路嗰阵单手帮我拍片，不过真系太瘀唔敢Post。”