《盛．舞者》操到伤脊椎 陈苑澄最惊冇仔生

etin

前女子组合As One成员陈苑澄（Tania）于无綫节目《盛．舞者》中，虽其加入的狄易达队未能成功打入决赛，但自节目播出后，Tania的舞技一直备受赞赏，甚具实力！Tania回想初初参赛，笑言是“无心插柳”，只是朋友鼓励下才作尝试，但当知获选后，即进入状态，狂操舞步备战：“虽然我有舞蹈底子，但都有段时间冇练，唔想拍嘅时候表现唔好，所以要落力去操番。”

由于太过投入操练，Tania坦言比赛前弄伤了脊椎尾骨旧患，令她一度很迷茫：“比赛前突然旧患好痹痛，连踎低都踎唔到，当时真系劲惊，好彩本身都有个相熟嘅中医，帮我喺尾骨度放咗3日血，之后痹痛亦慢慢消失。”

因当年整亲，医生已指可能对将来佗B会有所影响，如今旧患复发，对于11月便会结婚的Tania来说，可谓惊上加惊，她谓：“之前都冇谂过呢个问题，但依家愈谂愈惊，好彩都冇乜事，慢慢调理番。（未来老公系咪好担心？）佢之前见我用咁多时间去练习都已经有啲微言，当然亦会担心我太辛苦，但之后佢都明白我，亦觉得系婚前最后一击去追梦，所以都由诈型变支持。”

虽然最终未能打入决赛，但Tania直言能够跟一班舞坛高手作赛，令她获益良多，亦很感谢狄易达选她为组员，两人虽已认识多年，但今次比赛令两人加深认识：“佢（狄易达）原来谂嘢嘅方向同我好似，大家都入行一段日子，亦都为自己嘅演艺事业落力打拼过，都可以话冇乜遗憾，依家最想都系做一啲实事，教导一啲舞坛新血，佢嘅舞蹈学校好成功，我亦都有开班教小朋友，希望为培育舞界人才出一分力。”