廖启智遗作上映 吴卓羲：佢演激动戏睇到毛管戙

etin

艺人吴卓羲与刘心悠昨晚现身2人主演的电影《女人街，再见了》首映，他们不约而同以牛仔装上阵，心悠称该戏已是2、3年前拍摄，记得首天开工便弄伤脚，感恩拍档卓羲照顾，卓羲笑言若对方再受伤，大家便不用开工。提到已故艺人廖启智也有份演出该片，是其遗作之一，卓羲表示跟对方较多对手戏：“佢系一个我好欣赏嘅前辈，拍摄时我好锺意睇佢演戏，觉得好正，佢演啲好惨或者好激动嘅戏，我会睇到毛管戙，佢走咗好可惜。（有冇喺演艺上请教佢？）我会喺镜头后偷师，佢系个宝，偷得几多得几多，我拍嘅时候都会问佢得唔得，佢话你得㗎喇，佢有睇住我演，如果唔得，佢作为前辈会指点。”

心悠身形比之前发福，她尴尬地表示最近经常被人说肥：“我依家增肌中，不过要先增磅。（肥咗几多？）我以为体重系40几公斤，依家50几公斤，为部戏而准备，依家系一个过程，不过好多人都叫我唔好再大只。”她指要请教吴卓羲。卓羲笑谓只要不眠不休工作，自然会消瘦，提到近日他因为41岁仍保养得宜而登上网站热搜，他说：“多谢。（点Keep Fit？）我少食淀粉质，食沙律菜同食肉，食得清淡啲。”问到心悠可担心增肥容易减肥难？她自信地说：“增加到就可以减到，但我依家仲未增到肌肉，只系得个肥，好在有几个月时间畀我准备。（肥咗会唔会冇自信？）着衫要好小心，但夏天衫比较难遮掩，我惟有当睇唔到。”

张立基淡出歌坛：我差唔多都退休

歌手张立基与太太现身电影首映，他表示在片中饰演古惑仔，跟已故演员廖启智在戏中的对手戏不多，但大家相识多年，称赞对方为人十分好。讲到工作，他透露因疫情关系，近年甚少回内地登台，稍后会为电影开工及拍广告，提到近年有不少跳舞节目，擅长舞蹈的他说：“最近比较热门系Anson Lo，有粉丝话佢好似我后生个样。（你觉得呢？）有啲似，佢跳舞跳得几好。”不过他坦言因为年纪大，会逐渐淡出歌坛：“香港巿场唔适合出唱片，加上巿道又差，好难做。（会唔会转型？）冇，我差唔多都退休，有戏拍就拍，唱歌方面冇积极去谂。（会唔会生小朋友？）冇谂住，唔生喇！”