向周慧敏致敬！连诗雅剪玉女头成个青春晒

etin

歌手连诗雅自与陈家乐拍拖后，心情靓之馀，人亦愈来愈靓，近日佢更改变一吓形象，剪咗个90年代玉女掌门人周慧敏头，有新发型，佢梗系第一时间喺社交网开心Share啦，只见相中嘅佢将前面嘅长发剪成斜刘海，同周慧敏一直Keep住嘅发型一模一样，唔少网民都话连诗雅减龄唔少、充满少女味之馀，仲话：“你想做玉女掌门人？”

而连诗雅上月29日33岁生日，因为太忙，一直冇时间同好姊妹黄翠如和陈自瑶庆祝，直到半个月后先聚埋一齐，连诗雅就喺社交网晒3人合照，并留言：“谢谢你们的心思，我就是希望我们继续好，各自都好 #我们仨 #唔好睇小啲花两位美少女亲手束比我㗎 #过了半个月还有蛋糕食太幸福！”