曾崩溃抑鬱！胡杏儿免“悲剧重演”带二仔内地工作

etin

视后胡杏儿去年佗住第3胎开工，今年4月返港产子后5月底又返内地搵钱，再次带埋二仔Ryan同行，与老公Phil及两个仔分开4个月，就连早前Ryan生日及细仔Liam嘅百日宴佢哋都要靠视像一齐过！杏儿带埋个仔走，原来系因为2019年佢拍完大陆剧《末代厨娘》返港后，发现当时只得岁几嘅大仔Brendan宁愿跟工人姐姐都唔黐佢，两母子关系好疏离，令佢忍唔住爆喊，更一度情绪失控抑鬱，要搵好姊妹倾诉，不过又要搵奶粉钱，为免“悲剧重演”，Philip就叫杏儿趁Ryan仲细，不如带埋佢一齐开工，可以边搵钱边增进亲子关系，一举两得！胡杏儿接受访问说：“莫名其妙！我自己从来都冇抑鬱症喎！我一直都生活得好开心，只要喺香港嘅时候，我大部分时间都系自己凑小朋友，工人姐姐好少凑！”