罗子溢爆杨茜尧错过囡囡3个月童年好心痛

etin

艺人罗子溢与麦明诗妈妈麦何小娟到书展出席英文儿童书活动，麦爸爸亦有到场支持。子溢笑言来为15个月大的囡囡“小珍珠”取经：“因为就嚟要报playgroup同拣学校，要安排节目，所以同老婆（杨茜尧）烦紧，不过都同自己讲唔可以觉得烦，小朋友系礼物，要乐在其中。（你哋有冇试过嗌交？）唔会，冷战啫，哈哈，例如佢会问我安排咗节目未，我有时会唔记得，所以佢就会嬲我、催我。”他又坦言听晒老婆话：“因为妈咪细心啲，好有母性。”他又谓希望囡囡有个快乐童年：“唔希望佢咁快接触学术嘢，去玩吓先，之后再慢慢培养兴趣，希望培养佢游水，亦希望佢好似妈妈咁坚强独立。”

他又透露太太之前在内地拍完剧后，暂时都未再有工作，因上次很不舍得囡囡：“佢好挂住个女同香港，觉得好似错过咗囡囡3个月嘅童年，搞到返咗嚟之后个女唔认得妈妈，竟然对住婆婆叫‘妈妈’，搞到老婆好hurt，所以我哋慢慢纠正番，如果唔系出街笑死人。”但他表示：“呢10几个月佢净系好清脆咁叫过一次爸爸，佢仲要无啦啦望住我讲，我感动到即刻唔想出街。”他又笑言囡囡遗传了其古灵精怪：“唔似女仔，又锺意搲耳仔、闻嘢同放电单眼，又会好sweet咁将个头掂你。（追多个？）咁易咩，尽力啦，上次有刻意但唔成功，唔刻意先得，所以今次抱随缘心态。”他亦透露8、9月将离开香港工作。