强烈要求拍剧！菊梓乔恨做打女：拍《拳王》应该搵我

etin

歌手菊梓乔（Hana）昨日（14日）出席新城电台访问宣传无綫剧《刑侦日记》片尾曲《不相信别人》，因太多朋友询问何时才到她的戏份，她索性笑谓自在剧集第二季才出场：“好紧张呀，就嚟到自己角色出场，因为之前都只系客串，今次角色实在好多。（角色有精神分裂？）冇呀，好冷静但内心有啲阴谋咁。（会唔会同公司要求拍多啲剧？）成日都讲㗎，要再等啰，想做啲夸张啲唔好咁含蓄，最想做打嘅，我咁细粒做打戏一定好好睇，我有打泰拳㗎，啲教练都话我咁细只但又打得好睇，所以拍《拳王》应该搵我嘛，哈哈。”

问她何时举行演唱会，她表示公司安排中：“何生（何丽全）有讲过话下年嘅，但依家太多变数啦，等佢好消息啦。”她又称现时正准备推出非剧集歌，因大家听得剧集歌太多：“想慢啲重质不重量去做好每首歌，之前出得太快，试过推出新歌两个礼拜后啲歌迷就问我几时出新歌，我觉得要试吓慢慢，睇吓有冇唔同嘅感觉出嚟。”她称未有留意歌手谷娅溦打空针事件，表示希望她平安无事。