黎诺懿出难题！姚子羚同龚嘉欣有晒默契接招

etin

艺人姚子羚出席《2020东京奥运会》记者会，将为赛事节目担任主持的她，表示尚未获通知描述哪些赛事，但特别对女排及游泳队情有独锺：“今届香港游泳队人才济济，有一个好靓仔，同埋之前同剑击队喺慈善活动合作过，希望佢哋可以为港争光。”

谈到与好姊妹龚嘉欣合作节目《仨心友行2》，子羚透露共拍了8天，当日更以村姑Look示人：“日日晒到死，室内仲热过室外，有啲Shot喺玻璃屋入面拍，因为收音乜都要熄晒，现场成40几度，好热，好在冇中暑。”更指节目由黎诺懿任监制的真人骚，为增加神秘感，事前根本不知有谁参与，由于与嘉欣用同一位化妆师，才知悉对方有份参与：“我都系好后先知王君馨一齐拍，诺懿每日都畀我哋唔同挑战，有一日要我哋扮蔬果小姐，佢扮香蕉先生凼小朋友。（同嘉欣已经冰释前嫌？）从来都冇嘢，系外间讲啫，我哋以前又飞过去马来西亚做节目，所以有晒默契。”