关之琳叹酒饱览维港 似足拍楼盘广告

etin

“大美人”关之琳好紧贴潮流，同时下年轻人冇咩分别，不时喺社交网分享生活，仲唔介意公开其市值1.5亿元嘅豪宅，真系唔系位位女星都好似佢咁大方！最近佢又上载新片，再次大晒其闺房，佢着上短裤仔及低胸衫坐喺床上，摆出心心手势冧粉丝，眼见其房间布置简约，单人大床摆喺中间，空间感十足！而另一条片佢就企喺落地玻璃下品酒饱览维港景色，极之写意！佢留言话：“偶尔停下休息也挺好的。#盛夏星日记”网民都话佢生活好有品味，又表示羡慕，直言似足拍楼盘广告咁，“楼盘广告中的女主角”、“依然是女神，我找女朋友都与你为标准来找”、“最美的东方女人”！