王祖蓝孖李亚男下厨 一家四口贺新婚夏竹欣

etin

无綫剧集《同事三分亲》于深宵时段重播，其中刚升呢人妻嘅前无綫艺人夏竹欣，近日就与剧中拍档兼好友王祖蓝重聚，王祖蓝不但一家四口现身聚会，更孖住老婆李亚男齐齐下厨，当作新婚礼物贺老友，非常有心思。




夏竹欣于社交网大晒合照，更留言感激祖蓝一直以来嘅扶持：“更要多谢系由我一入行开始对我嘅支持、无限嘅信任，喺我开头仲未有足够信心嘅情况下鼓励我，用行动支持我，嚟我公司做分享嘉宾时无端端开名公开多谢我，多谢我照顾你、照顾你老婆、照顾你屋企人、照顾你公司、照顾你嘅员工，所有呢啲嘢都永远记得，在心中。”而有参演《同》剧、饰演祖蓝表妹嘅陈自瑶，都有留言：“So sweet！”