黄榕面试《造星IV》被花姐狠批 爆喊玩腿张开！

etin

ViuTV选秀节目《全民造星IV》现正接受报名，近日于九展进行多轮海选面试，其中有艺人黄榕昨日战斗格上阵，露腰骚腹肌之馀又晒埋腿，甫受访更即席表演一字马“腿咚”，状态大勇，惟她突然转Sad Mode，爆喊指面试完觉得唔开心，面试期间不断被狠批：“因为我有少少紧张，小跳步入房就即刻畀评判花姐话我唔尊重场合，咁我又准备咗本写真做个人简介，梁祖尧亦话我好唔尊重，话搞到佢好尴尬，仲问我本写真系性感定色情，我答系性感嘅，但一开始我畀佢哋个印象已经唔好。”

黄榕透露准备了JW的《逃生门》及一段舞蹈，但表演完再被花姐抨击：“佢话我唱歌唔好听、跳舞又唔好睇，问我系咪有准备，但我答有。（冇谂过会咁样畀评判话？）事前都有做好心理准备，但真系超出预期。（当场有喊？）有忍住，尽量笑，但花姐话我明明个样唔开心，点解仲要笑？之后我就即刻喊咗出嚟，真系冇试过咁样，平时网上睇完就算，今次面对面真系接受唔到。（仲有边个评判？）许廷铿。”是否打定输数不能入围？她无奈说：“冇特别谂，今次参加都系因为锺意跳唱、又冇年龄限制、反正疫情都系喺屋企。（有冇后悔？）冇，之后都会想再参加真人骚，因为好锺意。”