亲友被指搞小动作！炎明熹自嘲懵吓懵吓 唔怕被雪

etin

无綫节目《声梦传奇》一班参赛者出席商场活动，获星梦高层何丽全及500名粉丝到场支持，场面墟冚。众人轮流上台唱歌及玩游戏，之前声带出事的大热炎明熹（Gigi）表现已差不多回复之前水准，亦见她心情未有受近日新闻影响。受访时讲到决赛在即，Gigi坦言心情紧张：“好多嘢要准备，又要练体能同埋练歌。（声带好番未？）好咗好多，就嚟冇事。”讲到近日是非缠身，最新就有指其亲友在背后搞小动作，向外宣称她是自由身，借唱片公司招手逼无綫畀冠军，她表示不知此事：“都冇必要问番屋企人，做好自己就算。（其实你已经同无綫签咗约？）我都系懵吓懵吓，交畀屋企人处理，因为我仲细，好相信屋企人。”

问到可担心因此事被牵连影响成绩？她谓：“只要做好自己就得，目标只系想唱好啲歌。（担心呢件事影响外界对你嘅观感？）唔会，我好易唔记得唔开心嘅事，所以冇乜嘢。（心情冇受影响？）影响唔到我。”但可担心因此事而攞不到冠军？她坦言：“我参赛都唔系为咗攞冠军，系想攞经验，做好自己就得，名次我唔理。（惊唔惊呢件事激嬲无綫，将你投闲置散？）顺其自然，因为我都唔知，交畀个天同公司安排，我个人比较佛系。（放你入‘雪柜’都唔怕？）雪柜几凉爽，尤其是夏天，哈哈。”

而讲到她日前拍摄奥运主题曲MV被指黑面又企最侧边，她解释：“嗰日因为我啱啱要做少少嘢先过嚟，所以就咁啱侧边有个位，同埋我唔想成日企中间，而黑面就系因为我嗰日觉得自己跳舞跳得唔好睇，反思紧点解跳得咁奇怪。”