赖慰玲生日蛋糕切到底 蔡思贝无喱头对话晒姊妹情

etin

艺人赖慰玲日前35岁生日，获一班好闺蜜“SÏXTERS”蔡思贝、陈滢、吴嘉禧（Cheronna）及何雁诗庆生，佢哋预备咗精致嘅生日蛋糕为寿星女贺寿，并将合照及短片放上社交网，与众同乐。片中赖慰玲话可以将蛋糕一切切到底，“天真”嘅蔡思贝问点解，然后对方就回答：“嫁咗啦嘛。”蔡思贝笑佢切得好底吓，两女对话无喱头但相当搞笑。众女合照齐齐嘟嘴卖萌，少女味十足。“组合”独欠陈嘉宝未有现身，未知系咪忙住凑两个囡囡，分身不暇呢？不过佢好有心上载与赖慰玲大肚时嘅合照，隔空祝福好姊妹，相当之sweet。