胡定欣帮林夏薇Set头超专业

etin

视后胡定欣除咗演技了得之外，原来连头发造型都好有研究，仲好锺意帮人Set头添。佢喺社交网上载一张帮好友林夏薇Set紧头嘅相片。见佢除咗手势似模似样外，连一身打扮都成个专业发型师咁，加埋露脐亮相真系无得弹。见林夏薇笑晒咁，一睇就知好满意呢位发型师提供嘅服务，佢仲话：“剪短，这个发型师不错！”胡定欣仲拎埋电视剧《城寨英雄》角色名“刁兰”嚟讲，佢话：“其实，我系锺意帮人整头！难得有人咁大把头发畀我玩，YEAH。NANNSalon，‘刁兰’系开理发店的。”连袁伟豪都留言问：“梳头阿姐点称呼？”胡欣亲回：“叫我NANN姐！”真系好有霸气呀。好友苟芸慧、胡杏儿都有留言赞佢专业。