一个动作值200万！胡定欣揸“炸弹”吓到教练跑

etin

视后胡定欣一向Fit到爆，有咁好身材最主要原因当然系勤做运动，睇佢社交网成都会见到佢上载做运动嘅相，昨日佢又如常咁晒相，仲摆出一个高难度Pose，不过张相最吸引人嘅地方，系佢左右两边各有一位教练正在逃走，姿势似足见到炸弹要极速逃生咁样，佢留言话：“为咗影呢张相，两位教练好似见到个计时炸弹咁跑开！希望我下次可以Hold耐啲，你哋唔使走！呢张相真系好正！”

喺相中见到佢使出金鸡独立，一只脚绕住个圆筒向后往上伸，双手就向后揸住个圆筒，听落就好似好容易，但系一向做开运动嘅胡定欣都要两位教练帮手先完成到个动作，就知难度唔简单，两位教练奔走嘅原因，系佢呢个姿势只Hold得3秒咁多，所以教练要快步走开畀佢影张靓相，佢仲搞笑话：“一个高难度动作，希望可以筹到200万！”