豪宅曝光｜江欣燕主动提离婚 前夫接受唔到唔识畀反应

etin

艺人江欣燕（欣欣）担任访谈节目《单对单》嘉宾接受主持人黎芷珊访问，二人一起买花及买餸，江妈妈也有出场，讲到跟前夫吴积逊的婚姻，欣欣说：“同前夫一齐22年，拍咗拖10年，结婚12年，2013年分开。（点解决定分开？）人大咗认识自己，内心有好大距离，冇讨厌同佢一齐嘅时间，多谢佢陪我一齐过，系我决定唔一齐。以前好似好开心生活，但唔系我本质。”讲到婚姻，她笑言实际来说是可以少交税，并认为是两个人的一种捆绑：“对前夫有少少遗憾，因为系我提出，佢冇反应接受唔到，佢当时睇紧波，我话咁就行动，佢继续睇，我等佢睇完再同佢详细讲。”

提到她曾说过之前的日子很糜烂，她表示这样说可能是错，得罪了以前的日子：“我以前系唔饮酒，我个前夫人缘好好，所以我开始同佢一齐去交际世界，见吓世面，其实饮酒对我有好处，帮我拆咗我唔信任嘅墙，以前我唔会搵旧朋友去倾心事。”她指如果要再搵长期饭票要好小心去选择：“唔会好似以前咁我要恋爱，感觉唔系最紧要，对方系你一面镜，你要好了解自己，将来唔系一个老公而系一个Partner，我结过婚所以唔稀罕。”江妈妈称最不喜欢欣欣饮太多酒。她称爸爸离世后，觉得要多花时间去陪妈咪。

另外，江欣燕的过千万豪宅亦是网友的重点，她家中饭厅窗景对着无敌海景，边食饭边叹靓景，十分享受！家中的大花园亦令人羡慕，摆了一张枱与友人叹红酒，Chill到爆！