汤洛雯晒一生最爱的男人 金城武＋郭富城混合体！

etin

无綫花旦汤洛雯（靓汤）同男友马国明爱得痴缠，马国明出名系城中笋盘，靓仔又有钱，令唔少人羡慕靓汤可以将佢私有化。不过唔知系咪马国明之前话自己喺内地登台时好风骚，被5,000美女丧围，咁就激嬲咗女友，靓汤就来个大反击，喺社交网晒出一生中最爱的男人嘅相！咪谂错，靓汤一生最爱的男人系佢爸爸汤镇宗，相中见汤镇宗后生时间非常靓仔，成个王子咁款之馀，个样简直系金城武＋郭富城嘅混合体，唔少网民仲讲笑话汤镇宗靓仔过马国明，马国明最多只系靓汤心目中最爱的男人第2位喎！