为回复未生前身形 余香凝唔怕痛最期待扎肚

etin

艺人余香凝（Jennifer）今年5月升呢做咗妈咪，早前坐完月嘅佢曾经晒过出关嘅相，见佢身形明显瘦咗好多，不过原来同怀孕前相比仲相差唔少，减肥计划要继续努力，佢喺社交网晒出跑山嘅运动相，留言话：“继续努力！怀孕期间重了45磅，现在已经瘦了一半有多，离目标还有一段距离，不过尚未扎肚，现在最期待的就是扎肚，大家都说开始会很痛，但为了变回原来的肚子，甚么都不痛！刚生完的妈妈一起加油。”唔少网友都留言赞佢已经好Fit，仲提佢减肥都要顾住身体，而Super Girls嘅Jessica仲留言话Jennifer依家嘅身形仲Fit过佢添！