陈自瑶赞老公夺两届视帝犀利 演技要向佢学习

etin

艺人陈自瑶（YoYo）到新光戏院出席玄学家李居明监制的电影《大运同行》首映礼，透露获师傅教路将钱箱、红灯放在西南位，就可以更红及旺女主人，师傅又表示：“佢嘅配音节目《好声好戏》就红到发紫，多谢佢之前收平价，依家请唔起啦。”YoYo即笑言：“梗系冇加价啦，我珍惜呢个机会。”讲到她被爆将于选美题材新剧首次担任女一，她坦言：“都系睇新闻先知，依家未正式收到通知，如果系当然好开心，等公司通知，依家幕后商议紧。”讲到多得汪明荃加持她做女一，她坦言很感谢对方：“无论有冇今次机会都好多谢佢，之前都有打畀佢多谢，希望有机会可以请佢食饭饮茶。（系咪恨咗做女一好耐？）每个艺人都希望自己有更好发展，但自己都随缘，珍惜每个机会。”

而讲到老公王浩信表示配音都不及她，要向她好好学习，她笑说：“因为佢冇玩配音啫，佢系2届视帝，演技都要向佢学习。（网友推举你哋一个力争视后、一个就系视帝，2个会有机会合作？）多谢大家支持，但呢啲唔系我话事，等公司有安排。（唔抗拒？）我好听话，等公司安排。（唔会尴尬？）冇谂，我好乖嘅，会珍惜机会。”