练成荔枝擒拿手！黄嘉雯晒黑又如何

etin

前港姐冠军黄嘉雯（Carmaney）日前趁好天带埋“囡囡”Doxy去郊外享受亲子同乐日，“两母女”分工合作，Carmaney负责晒长腿、而Doxy就主力卖萌，仲趁机会影咗唔少靓相留倩影。陪跑后嘅Carmaney瞬间化身农工，疯狂丧摘荔枝，见佢戴晒黑超又戴埋帽，兼爬埋上工梯，睇落似模似样！佢留言笑话幻想自己去咗欧洲农庄，不过转个头就喊咁口话摘咗两个钟已经黑晒，虽然系咁，但都无损佢继续摘荔枝嘅决心：“为咗食荔枝晒黑又何妨！”练成“荔枝擒拿手”嘅佢最后仲劲开心拎住啲“战利品”影相，随相仲附送纤腰一条，相当养眼！