谢安琪清纯素颜登场 变身多功能歌手！

etin

歌手谢安琪（Kay）自资成立唱片公司“浅白本部”后，即推出首次亲自包办曲、词、编、监作品《离不开》，MV方面原来亦系由佢落手落脚筹备，近日佢喺社交平台Upload咗条约5分半钟嘅MV花絮片。甫开始就见Kay以清纯素颜登场，佢话︰“继小休之后我哋拍MV！但最劲系啲咩呢？歌手系自己揸车去。”去到现场之后佢就不停为任何事奔波，无论系枱面上嘅食物、道具、摆设，甚至会同导演倾MV镜头角度、灯光等，仲要同MV男主角柯炜林培养感情，Kay全部都亲力亲为，瞬间变成多功能歌手！

经常自我质疑

Kay于社交网出Post讲出歌感受，自爆经常自我质疑，因为知道自己有好多不足，所以先会对自己好苛刻，就会唔小心畀自己太大压力，不过正正因为呢个“质疑”，令佢学识虚心欣赏其他人嘅优点。之后再爆自组公司前有担心过自己一个人会唔会难以承担，但身边嘅人畀咗好大嘅鼓励佢︰“我知道我不需要是最武艺高强，我只需知道，我们团队虽小，其实各有所长，而我珍惜你们每一分力量、一直衷心相信我。”