女神包养价曝光！蔡思贝值200万 边个值1,200万？

etin

有“史上最清纯的LOL女神”之称嘅台湾网红奎丁，因为打机叻又拥32E火辣身材而成名，佢嘅个人影片频道更有逾53万订阅者，早排佢就实测自己“包养价格”，搵嚟3名男子见面，有人愿意开出每月40万元新台币（约11万元港币）包养费，之后更有人出每月60万元新台币（约16万元港币），估唔到素人都有价有市！

普通网红都咁有市，艺人就更加多人想亲近！早排就有视后饭局价最新行情流出，当中蔡思贝自爆曾被问价200万港纸，比奎丁高出20倍就知佢咩料啦，佢仲大方到拎出手机展示早前收到嘅问价内容，不过思贝一向好自爱，佢就顺势讲埋家住200呎瞓碌架床，力证自己又悭又唔贪心。

同为前港姐嘅“蜜桃胸”陈庭欣亦一样被“问价”，佢谓自己除试过收过男性下体相外，亦收过饭局邀约：“最初开20万，我试吓唔覆佢睇吓佢会升到几多，最后升到百几、200万！佢仲话我咩都唔使做，净系食个饭！好彩我平时有睇《警讯》！”睇嚟“港姐”头衔确系有市场。

早年艺人杨埕喺社交网公开一段声称娱乐公司问价邀请出席饭局嘅对话，大爆庄思敏价钱为1,200万，庄思敏当时就直指此事令人发笑：“开头见到都好嬲，今次1,200万真系得啖笑，我觉得佢应该系骗子先会开咁高价。”仲笑称对方应该唔知佢系拿督女。

无綫前咪神陈伟琪本身就有个做贸易生意嘅富爸爸，佢都试过自爆因身材惹火及经常演姣爆角色，经常被“问价”邀去饭局，最夸张一次更出到800万“包养价”，不过都被佢一一拒绝。