宝物收床底！黎诺懿秘藏逾百件Figure价值够买靓车

etin

艺人黎诺懿为圆儿时玩具梦，近20年来狂买动漫主角Figure，摆满床下底两大个地台，单是《圣斗士星矢》系列已有逾百件，全部斋睇唔拆盒。粗略估计，他的所有玩具珍藏总值至少50万元。视玩具如宝的他，扬言即使多多钱也不会割爱，更决定传承给儿子，待他长大后举行展览，向下一代讲解玩具历史。

小时候已是动漫片迷的黎诺懿，对《圣斗士星矢》、《超时空要塞》、《变形金刚》、《黄金战士》等经典尤其喜欢，由于屋企穷困，根本没有多馀金钱买主角的副产品，直至长大后打工，每当完成工作他便会买一件玩具奖励自己，后来经济许可，便愈买愈疯狂，见到喜欢即买，结果一发不可收拾。

WALL-E见证夫妻情

于芸芸珍藏中，“星矢”可说是黎诺懿储得最齐全的动漫主角，喜欢全套拥有的他，只要稍为缺一，即用尽方法“寻宝”：“一个系列12只，有次搬屋觉得唔见咗一只，后来要炒价买返嚟，好在太太大量，畀我咁做。耐不耐厂家又会Upgrade啲主角等你哋买，好似用雅典娜血滴落去，就会变成新生圣衣，每只都会多对翼，之后又出特别版，关节动作靓啲，收藏家一定买，所以储到依家系最多嘅一种，大约有120件左右，本身对希腊雅典、12宫好锺意，星座又好似关自己事，加上细个睇呢套卡通片陪住长大。”

谈起玩具，黎诺懿即变成大细路滔滔不绝，从“星矢”、“龙珠”再到动画《太空奇兵．威E》主角WALL-E， 他也能道出收藏的原因：“细个睇《龙珠》，好希望有神龙出现帮我达成愿望，长大后就储佢啲产品。WALL-E系当年同太太拍拖时睇过套戏，佢好锺意，我就搵人整个一比一，用铁做嘅原装出嚟，系我哋定情信物，最有纪念价值但唔值钱。（成屋玩具买咗几多钱？）唔敢计，因为得闲又买，至少都几十万！”据知单是百几只圣斗士，1只1,000元，整个系列都总值逾30万元，加上其他珍藏，总值逾50万元，够买一架靓车呢！

视百件珍藏如命的黎诺懿，坦言即使有人出天价也不会卖，并决定把宝贝全数传给儿子，他说：“之前打开畀佢睇，佢碌大只眼问系咪佢㗎！希望佢大个识珍惜，唔介意佢拆，但唔好卖，留低年代历史，依家佢4岁，20年后应该变晒古董，如果佢有钱就整个博物馆畀人欣赏，介绍畀下一代认识我个年代系玩咩长大嘅。”

地台收纳最紧要吸湿！

不少人喜欢把珍藏品放于家中看得到的地方，黎诺懿却宁愿在主人房床底打造两个大地台收纳，并将之分门别类，非常整齐，地台上则是床褥，笑言晚晚瞓于玩具上，感觉最安全。他更分享打理方法：“我啲玩具唔拆盒，只在乎拥有，啲盒点样保持新净呢？放床底唔好以为安全，纸会吸湿令到发霉，所以久不久要打开透透气，用埋防潮同防虫包。”