200呎屋瞓碌架床？蔡思贝等楼花收楼：唔系咩辛酸史

etin

艺人蔡思贝昨日现身OAKLEY眼镜活动，她透露正同时间拍摄两部剧集《廉政狙击》及《廉政行动2022》，自言训练有素，加上剧组锡住，所以问题不大，问她有否拍到精神分裂？她笑言：“冇，暂时OK，依家学习点去分析角色。不过有试过会将两角色混淆，开开吓工问人，呢个唔系我剧中阿爸喎，原来我系记错另一套剧嘅老窦，又试过话未齐人，原来记错咗另一套剧嘅人。”她在两剧中均有不少追逐场面，思贝指之前拍《廉政狙击》一幕追人戏，未知是否做不够热身而拉伤大腿：“有啲唔开心，因为我跑开步，点知就喺跑步上出事，有啲瘀，我另一套剧要拍追小巴，惟有延迟少少拍。”

另外，提到她最近在清谈节目中讲到自己住200呎寓所及睡碌架床，问到是否以前的事，她说：“我依家仲系住嗰间屋，同瞓紧嗰张碌架床，冇搬过。我年几前系喺将军澳置业，但因为系买楼花，所以仲未搬得去住。其实呢啲都唔算系咩辛酸史，系努力嘅阶段，要付出，我已经好幸福，有地方住。只系当时有其他好姊妹在场，所以好感触，所以先喊。”至于节目中所讲到200万饭局价，她坦言间中也会收到，但不会经常查看陌生人留言，只是偶然看到，但再多钱也不为所动，因为自己性格硬颈及有骨气。