夫妻嗌交会写落日记！张宝儿：老公睇会好开心

etin

艺人张宝儿、陈晓华、谢嘉怡、何依婷、丁子朗及余德丞出席明珠台《光影时刻星期日》记者会，前者对于早前于网上频道分享首次揸棍波车片段，惟她显得鸡手鸭脚，非常搞笑，问到是否未能应付？她笑说：“慢慢进步中，因为老公（袁伟豪）架车嘅离合器比较重，所以未习惯。（老公会唔会惊咗借车畀你揸？）佢系唔系都惊，车系佢另一个老婆。（呷醋？）识佢第1日已经知。”更指袁伟豪揸车时非常严谨，问到教揸车时会否责骂她？宝儿说：“佢系语气重啲，不过唔系骂，记得考棍波牌同电单车牌时，佢都想跟我后面睇，但畀教练拒绝，因会咁做会令我好紧张。（你考棍波系咪想送外卖？）我要追佢嘅老车牌数目，依家已经追平，不过佢近来想考埋巴士牌，想体验开大车嘅感觉。”

谈到袁伟豪主演的新剧《刑侦日记》已于内地平台播出，宝儿指父母已追住睇，老公于拍摄期间也有分享其角色感受：“我喺英国读心理学都有接触催眠师，所以都有同佢倾吓！”提到刚才于台上透露平日有写日记习惯，问到与老公嗌交时可有节录？她笑说：“有记低㗎！所有重要嘅嘢事都记低。（日记唔上锁系畀老公睇？）佢都唔锺意睇字，不过如果有心意去睇，我都开心嘅。”