洪爷76岁牛一｜姜丽文队茄汁贺秦沛 唔通有喜事？

etin

艺人姜丽文（Lesley）同爸爸秦沛父女情深，早前佢终于都同老窦父女团聚，估唔到咁快又到秦沛76岁牛一，寻日佢就上载二人合照，同老窦食生日饭。近年密密拍剧嘅秦沛，虽然两鬓斑白，不过依然十分精灵，手拎红酒杯对镜头开怀“畀女揽”，有爱女喺身边确系唔同啲。而着上Low Cut上衫嘅姜丽文，佢就忽然自爆唔饮得酒，即刻令网友揣测唔通佢有喜事？而佢亦都好有心咁写上生日祝福及上载合照，饭后佢更重温爸爸喺电影《赌圣》入面嘅表现，系咁晒出“洪爷”嘅片段，果然够孝顺。