首当女主角仍难挡去意 陈自瑶决心“退隐”做农夫

etin

艺人陈自瑶早前凭综艺节目《好声好戏》弹起即备受力捧，不但参与全新带货节目《识货》，更有幸担正拍剧，入行逾20年首当“女一”，终于挨出头来！虽然工作不断，但近日佢竟然唔捞幕前，转行退隐田园做农夫！

其实佢系为网上影片频道拍片玩一日体验，挑战耕田做一日农夫。见以一身农民Look上阵嘅佢毫不锡身，拎锄头铲草翻土、淋水、种菜，全部亲力亲为绝不假手于人，相当认真投入。虽然做尽各样体力劳动佢都并冇半句怨言，岂料竟被一件事考起，仲搞到眼湿湿几乎落泪。原来佢要帮忙除虫，但为怕破坏植物及整伤菜虫，佢竟需要徒手捉虫，吓到佢不停惨叫兼成日想喊，幸好佢最后都成功克服，有惊无险。网民都好欣赏佢够贴地，希望佢继续挑战各行各业。