方绍聪赤脚行冲过终点 申请入健力士纪录大全

etin

艺人方绍聪（奶仔）近日为慈善机构筹款而发起“赤脚慈行”行动，于6日5夜内围绕港、九、新界赤脚步行一圈，昨日终于完成壮举抵达中环码头终点站，获亲友于现场见证及迎接他。奶仔花了共97小时01分45秒，步行了194.45公里，大会会将纪录申请入健力士纪录大全。

讲到感受时，他坦言想不到自己能完成：“第1日行已经好怀疑做唔做到，第2日条路更难行，对脚好痛，觉得冇可能完成，第3、4日开始因为工作人员、传媒同艺人朋友帮手宣传，多咗好多人支持同鼓励我，一步一步终于做到，其实同我嘅演员之路都好相似，我喺公司11年，向男主角一步步向前行。希望我可以将呢个精神发扬开去，同埋感染到其他人去帮助别人。”

问到最后筹得的善款数字？他称未知实际数目，但首日已筹到200万元，步行期间又得到不少善心人捐款：“差唔多到终点时有个伯伯同我讲，话多谢我帮香港出力，所以佢捐咗1万蚊，我听到好开心。（你今次善举载入健力士？）系大会帮我申请，我事前唔知，应该冇人试过赤脚行，但我冇谂系咪打入健力士，帮到慈善机构筹款已经好足够，亦因为咁令我一直冇放弃。”至于现时最想做的事，奶仔表示先跟家人及朋友好好吃一顿，再回家冲凉及睡个够：“呢几日严重睡眠不足，最多只瞓到4个钟，平均每日瞓得2小时。（行到对脚生满水泡，需唔需要睇医生？）教练每日都有帮我按脚同处理伤口，如果我个身体适合继续，佢会暂停个活动，所以我都唔担心，佢话我唔需要睇医生，最需要系食餐好、瞓个好觉。我都好多谢我个身体咁都唔病。”