【2星期极速瘦？】被批成日尖叫 岑丽香自爆改咗剧本

etin

艺人岑丽香（香香）、龚慈恩、商天娥、吴岱融、车婉婉等，现身将军澳电视城为热播剧《宝宝大过天》造势，剧中小演员“童童”亦有到场，引得香香及龚慈恩轮流抱。而相隔对上一次宣传虽然只得短短两个星期，但昨日见香香身形更为窈窕，受访时她自爆仍有戴腰封，距离理想体重还有5至10磅，不过她表示不会给自己太大压力：“身体经历过咁多样嘢，都要多谢番佢，唔急瘦，最紧要健康、开心。”

近日剧情讲述她跟“奶奶”商天娥之间有婆媳纠纷，香香笑话跟现实中刚好相反：“老爷、奶奶好帮我哋手，好信任由佢哋去教小朋友，老公亦都系好生性嘅人，哈哈！”惟由于疫情关系，老爷、奶奶身在加拿大，平时只可以透过视像方式见面：“大仔Jacob都话有见过真人，但细仔就未见过，希望疫情完结可以见一面。（会安排个长假飞去？）暂时就安排唔到，忍多阵啦！唔想太过冒险。”

讲到她于剧集中饰演紧张妈妈经常尖叫，因而有网民觉得太嘈吵、兼指她表情略带夸张，香香直言收到剧本一刻见到写有多次反白眼及尖叫，有即时修改：“咩都尖叫，拍嗰阵我已经减少咗啲，每次做亦谂点先可以唔同啲，呢个都系个挑战。拍嗰阵大仔都仲系一旧饭，未到反叛期，依家终于体会到咩系Trouble Two，理解到剧本点解咁写。（喺屋企成日尖叫、反白眼？）依家我每日起身都会祈祷同提醒自己要练习耐性，哈哈！”

香香表示剧集威力强劲，大爆大仔睇过第一集后自学“技能”：“剧中童童打我块面，佢睇完就照住做，又学晒啲曳嘢例如倒饭碗，见到我抱住其他小朋友又妒忌，又问点解电视入面个老公唔系爸爸，虽然套剧讲BB，但其实系比较啱大人睇，哈哈！佢都系准备8点钟瞓，再冇Special Time。”