好快公布BB性别！黎诺懿仔女都好两个够数

etin

艺人黎诺懿与新剧《刑侦日记》拍档袁伟豪及黄智雯等，现身《开心大综艺》宣传，对于太太怀孕，诺懿受访时获记者连声恭喜，他带笑说：“适当时候会话畀大家听，不过恭喜唔嫌多。（咁几时先讲得？）差唔多喇，依家谂紧用乜嘢嘅方法公布，知道大家都关心胎儿性别，我会1次过讲。”

问到是否今年最好的父亲节礼物，他只说大家都期待BB的来临，至于儿子小春鸡是否意识到自己就快做哥哥？诺懿坦言：“我谂要等太太肚皮开始大，慢慢同佢心理辅导先，希望佢会锡个小朋友啦。其实我哋以前都成日问佢想要妹妹定细佬，问咗咁耐好似玩佢咁。”

诺懿坦言今次无论生仔定女都决定“两个够晒数”：“唔系钱嘅问题，我觉得系教嘅问题，对我嚟讲生两个就最Perfect，监管同陪伴都容易啲，好似依家凑小春鸡，我放假仲忙过开工。当然如果再有‘意外’就唔敢讲啦，但系依家我觉得两个够嘞。”