蔡思贝唔得父母欢心？胡鸿钧几个月冇见“女友”

etin

歌手胡鸿钧现身新城电台接受访问，透露近日已完成无綫短编爱情喜剧《爱上我的衰神》的拍摄，紧接发力造歌：“年头半年嘅时间都拍剧，系时候喺音乐方面急起直追，大约7、8月就会有新歌，自己都写咗一堆作品。”年中后才发力，会否难以维持“一哥”地位？他笑说：“唔会迟，今年1月、4月都有出歌，系计划之内。（你认系一哥？）唔讲呢啲嘢啦！最紧要系做到自己想做嘅事。”

父亲节将至，他表示会带父母到餐厅食餐好，笑问双亲有否叫预埋绯闻女友蔡思贝？他笑话：“妈咪净系叫我多啲返屋企饮汤。”打趣问是否“新抱仔”不得欢心？他未有回应，再追问会否跟蔡思贝父亲庆祝佳节？他表示跟自己家人庆祝已足够，没有多馀时间，至于问女方可有表示？他笑话要看缘分：“系命运嘅安排，好难度期㗎，哈哈！佢依家又拍紧剧，都系透过访问先知佢消息，好戥佢喺《好声好戏》嘅演出开心。（关系咁疏离？）少时间见朋友嘛，只系间唔中通讯。（几耐冇见？）唔记得啦！几个月挂，喺公司都会撞到，但冇特别约。（断六亲咁喎！）系呀，所以依家要联系番六亲，由饮汤开始。（咪有时间拍拖？）睇缘分啦！”