听呢首歌会标泪 古巨基囝囝楚楚可怜样超爆笑

etin

爱子心切的天王古巨基，在疫情下为防囝囝Kuson受到感染，严格自我居家隔离300天，直至今年初才破禁外出，昨晚基仔亮相孙慧雪及张美妮主持的网上节目做嘉宾，作为出关第一击Live，畅谈迎接第二个父亲节的感受。

基仔透露囝囝的英文名Kuson是他改的，而中文名“古晋匡”则是太太找测字师傅改，他大爆现年一岁半大的Kuson疑似有梦游情况：“夜晚佢瞓瞓吓，会蒙蒙松松咁坐喺度，或者爬，所以依家我同古太都会轮流通宵睇住佢。”虽然凑BB很费神及易攰，但他愈凑愈精神，当中的心灵力量会提升，完全不会感到攰，抱住儿子时，他可以一直望住，都不觉得闷，他笑说：“拍拖都唔会望住女朋友咁耐啦。”

基仔一直与太太平均分配时间去照顾儿子，但他自认喂奶扫风有一手，除了难忘Kuson第1次叫他做爸爸，又识得hea讲“I Love You”，早几个星期前，他同太太连续几日示范锡锡，估唔到囝囝真的识得锡他的嘴，令他好惊喜。而最心痛是囝囝第1次打针：“第1次打落去见佢爆喊，未见过佢喊成咁，妈妈唔敢望住佢打落去。”

好多父母都会分饰“好人”和“衰人”的角色，基仔坦言：“我都有，我系做衰人，因为佢性格系八卦仔，乜都要知、乜都要掂，但有啲危险嘢我会唔畀佢，会阻止佢，但妈妈乜都畀佢搞。”虽然他当了家中坏人，但他笑言识得为自己加分，他笑说：“佢要睇电视一定搵我，因为其他人唔识开，要揿几个步骤先开到，又或者我食雪条，佢会跟住嚟，我就系用卡通同食物收买佢。”

被问到古太将来会否是恶奶奶？基仔表示：“唔会恶，但系紧张大师，呢样唔掂得、嗰样唔掂得，佢好锺意消毒，（对新抱有咩要求？）有冇快啲呀？依家先岁几！搵个靓嘅，因为爸爸都搵咗个咁靓，哈哈！”

节目中基仔又分享几条短片，其中一条是拍下170日大的Kuson 学识第一次转身，非常搞笑，他指囝囝好锺意听儿歌，其中一首是韩国女团MOMOLAND唱的版本《Banana Cha Cha》，囝囝就特别锺意，他笑说：“佢1岁几就听K-Pop，佢好有音乐感，仲偏向快歌节奏，对音乐好敏锐，情感好丰富。”他更分享一条对囝囝高唱《伤追人》的片，Kuson竟然听到流眼泪，楚楚可怜样子超爆笑。

好多家长安排BB上Play Group，但基仔无意效法，皆因不想太早给囝囝压力，他说：“喺我角度觉得唔使急到咁，佢啱啱识行。”但他觉得Kuson有特殊记忆力，工人姐姐教过Kuson冷气、灯、梳化等词汇，他很快学会并识得逐样指！基仔说曾经畀过自己画的Kubi漫画给囝囝睇，最后一版是基仔自画的卡通样，Kuson每次睇到都会叫“爸爸”，令基仔觉得好神奇。