【华姐聚首】李亚男宴客喂饱陈爽宋熙年 王祖蓝做阿四

etin

同系华姐出身嘅李亚男、陈爽、宋熙年感情要好，即使做咗妈妈友谊依然不变，最近佢哋就难得有时间聚吓会，倾吓凑仔经，佢哋去到亚男屋企食煮家饭，廿四孝老公王祖蓝都亲自落手，同亚男夫妻档上阵炮制大餐，有花胶煲、炆猪手、鲍鱼、炒大蚬，8餸1汤，超级丰富，睇到在场人士哗哗声，仲化身阿四帮手舀汤，认真好老公！

之后仲有饭后甜品Tiramisu，陈爽喺社交网上载合照，留言大赞：“多谢亚男邀请，你们两公婆的厨艺真是太赞了！现在还回味你整的提拉米苏呢，米其林（米芝莲）水准的甜品🍮😋😋”同场仲有曾参与多套无綫剧《公主嫁到》、《巾帼枭雄》及《爱．回家之开心速递》等嘅宋双佳，近年甚少露面嘅翁佳妮，非常热闹，网民都大赞佢哋个个都Keep得好好，冇走过样呀！