【冇意追女】郑嘉颖做恶爸！陈凯琳爆2岁半大仔反叛扭计

etin

艺人陈凯琳（Grace）出席《仁济关爱小领袖月捐及义工计划》启动礼，席间有仁济医院董事局主席黄楚淇。身为“仁济慈善大使”的Grace表示之前与囝囝在街上见到有人卖旗，故之后有意与囝囝一起卖旗做善事。讲到活动上与小朋友一起做手工，见她与身旁的小妹妹玩得很开心，问到可有意追个女？她笑言：“我同老公就冇乜，但身边人就想，不过依家暂时凑两个仔就啱啱好。”她又表示2岁多的大仔开始反叛：“有次出街佢扭计唔戴口罩，但我哋就唔出，佢就会即刻戴番口罩，识睇眉头眼额。”又笑言由老公郑嘉颖负责做坏人角色闹囝囝：“有次喺停车场落车囝囝想周围走，爸爸即刻话佢，搞到佢变咗坏人，咁佢闹嘅时候我就会喺隔离唔出声，但凼嘅时候就会一齐，总之会一致。”

她又表示已帮大仔搵定幼稚园：“想佢读local学校，因为想佢学中文，我细个就去咗加拿大读书，所以都有啲遗憾，又想佢自己搭校巴，学识独立。”而讲到父亲节将至，她透露会一家人在家食饭，大仔就在学校学了首歌，到时会唱给爸爸听，问她可有预备礼物？她笑言：“预备咗礼物畀我自己爸爸，因为唔想忽略佢，有次同佢去街我想买个银包畀佢，但佢话贵，叫我唔好买，点知返到屋企之后妈咪同我讲爸爸话几锺意个银包，咁我就识做啦，所以就送咗畀佢，佢唔舍得仔女使钱，但又锺意。”