周星驰成历届港姐最强司仪 出IQ题玩谢卢淑仪

etin

《2021香港小姐竞选》已完成第二轮面试，大家有冇边位心水佳丽呢？港姐最好睇一定系问答环节，可以见到佳丽急才外，又可以睇到佢哋同司仪嘅互动，过往真系出现过唔少经典场面。不过要数经典中嘅经典，一定系1992年港姐决赛，当年除咗有曾志伟、陈欣健同郑丹瑞外，仲邀得周星驰呢位特别嘉宾做司仪，喺最后五强问答环节，佢嘅超级无厘头IQ题，真系考起嗰届包括冠军卢淑仪等5位佳丽。

周星驰第一条IQ题已先声夺人，佢问：“读完香港大学要几多时间？”当届季军张雪玲自信满满答：“3年！”点知周星驰即当头棒喝话佢答错，然后话：“系一秒都唔使，香港大学4个字！”之后佢再问：“点解华盛顿斩完棵樱桃树，佢爸爸唔即时责罚佢！（答案系：当时华盛顿手上仲有把斧头，爸爸惊个仔用斧头劈佢）”、“有人一手喺14楼推部冷气机落楼，点解部冷气机即刻变咗‘空气’？（答案系杀人凶器）”点知冇佳丽敢答，因为怕答错会扣分，令场面形成胶着状态。

最后周星驰问：“1加1等如几？”卢淑仪唔理三七廿一，斩钉切铁答：“2！”结果答啱！所以网民都话周星驰真系好难捉到佢路，就好似《新喜剧之王》女角主鄂靖文讲过，人人都唔敢喺片场向周星驰畀意见，鄂靖文就敢提出，所以对佢另眼相看，因为周星驰够飘忽，所以佢先系历届港姐最强司仪。