黎诺懿教小春鸡饮酒 陈敏之唔惊囝囝被教坏

etin

无綫即将推出带货节目《识货》，大考演员们对各项销售产品的认识、应变能力及急才，“参赛者”包括黎诺懿、陈自瑶、黄建东、陈嘉佳及何远东等，联同主持郑裕玲、郑衍锋及孔德贤下午于电视城出席记者会宣传造势，场面热闹。

自认“背产品资料频食螺丝”的黎诺懿，请来老友陈敏之帮手打气，被对方无意踢爆至今“销售额”暂排第4，成绩不错，他即谓：“我嘅策略系中游，一开始唔好太叻，慢慢爬想去，好似我自己读书同教仔一样，唔好包尾就得。”他又直言不鼓励囝囝、4岁小春鸡死读书：“好似我以前用几年时间去背化学名表，依家根本用唔着，我宁愿佢用啲时间去做令佢开心嘅事，唔使佢做高材生。”陈敏之指小春鸡性格似足诺懿，不时展现“豪迈奔放”一面：“见过佢栋高只脚食饭，又成日举杯同人饮胜！曾经以为佢食饭好斯文，点知佢妈咪话扮嘢咋。”

黎诺懿更指囝囝会主动要求“饮酒”：“畀两啖啤酒佢试，竟然唔怕苦，不过酒精高过14度我系唔畀嘅。（惊唔惊佢好早食烟？）我会出声，点都要大个先，会劝佢唔好，但佢继续我都冇办法。”他笑言幸而太太管教严，自己亦会“睇实”，故不担心儿子学坏。问到陈敏之会否不让囝囝与小春鸡做朋友，她爽快答：“唔会，我个仔有啲嘢劲过春鸡嘅，同埋我谂春鸡系遗传咗爸爸饮得啫，以前我哋（诺懿与她）去派对，都经历过呕完又饮嘅日子，好开心，依家真系冇咁嘅精力喇。”​